Son tante e euvie d’arte do pittô Jacques-Louis David, mascimo esponente do Neoclassicismo franseise, che niatri s’arregordemmo da-i tempi da scheua ò che sovente attrovemmo inta cotidianitæ, comme inti testi de scheua, inte inlustraçioin de sciti, blog e social, articoli e libbri che mostran, à unna mainea solenne, conçetti e contegnui importanti.
L’importansa e l’attualitæ da pittua de Jacques-Louis David, defæti, a no l’é dovua solo che a-a bellessa ch’a caratterizza o seu stilo ma ascì a-i messaggi d’erto contegnuo uman e collettivo ch’o veu transmette, proiettando erti valoî etico-morali, politichi e estetichi co-i quæ se confrontemmo ascì a-a giornâ d’ancheu.
A pascion etica e çivile de l’artista, o seu senso patriòttico e o seu impegno attivo inta Revoluçion franseise l’an portou à ottegnî a dignitæ de “meistro de çeimònie” e de “regista” di momenti ciù solenni da neuva repubrica franseise comme cortëi, procescioin e manifestaçioin pubriche.
Scin da-e seu primme euvie de successo comme “O zuamento di Oraçi” do 1785 – o quæ l’incarna unna celebraçion di valoî ligæ a-o ben pubrico respetto a-i interesci e affeçioin personæ – e i atri exempla virtutis, che representan episòddi solenni da stöia romaña çelebrando i aspeti etichi ciù che l’estetica, o delinea i seu personaggi dandoghe di erti valoî morali.
L’artista defæti o carrega i còrpi e e poxiçión de seu figue con unna energia ch’a transmette un senso d’eroismo e de potensa à unna mainea contegnua e dominâ, sensa fâ scaturî açeise pascioin e inte quello mentre inte unna dimenscion donde a realtæ e a bellessa – ascì inti retræti – doveivan ëse idealizzæ avvexinandose à l’ideale do mondo clascico, repiggiæ scistematicamente inta segonda meitæ do Setteçento e espresci pròpio à unna mainea rigorosa, solenne, idealizzâ e tiatrale.
In azzonta à “travestî” a contemporaneitæ con scene stòriche træte da l’antigo, divegnindo coscì de scuse pe reciammâ o messaggio assoluto de quest’ideale, l’artista o l’elabora ascì quarche euvia e inlustraçioin in sce avvegnimenti di quæ o l’é diretto testimònio e o disegno preparatöio de “O Zuamento da Pallacorda” do 1791 o representa a seu impreisa ciù ambiçiosa de quelli anni.
L’euvia, ch’a no l’é stæta portâ à compimento, a doveiva rende eterno l’avvegnimento ch’o portava a-a proclammaçion de l’Assemblea Naçionale Costituente a-i 20 de zugno do 1789, preludio do movimento rivoluçionäio ch’o portava a-a fin de l’Ancien Régime.
Inte quella dæta i delegæ do Terso Stato, ceto compòsto da-a borghexia, da-i artexen fin a-i paisen e ch’o comprendeiva pöcassæ o 98% da popolaçion do regno de Fransa, insemme a-i membri do basso clero – co-i quæ s’ean proclammæ Assemblea Naçionale – se transferivan inta salla deuviâ pe-o zeugo da pallacòrda (jeu de paume, besavo do tennis moderno) apreuvo à serrâ pe commando do re da salla donde se reunivan i Stati Generali inte ’Hôtel des Menus-Plaisirs de Versailles.
Inte quella neuva sede zuavan de no spartîse e de “(…) reunise dondesesæ e çircostanse o domandian, fin a che a Constituçion do regno o segge definia e affermâ in sce sòlide base (…)”, i 9 de luggio a l’intravegniva o riconoscimento offiçiâ do re e sto organismo o piggiava o nomme de Assemblea Naçionale Costituente.
David de st’episòdio o l’elabora differenti studdi e stampe, e do 1791 o realizza un disegno preparatöio de 65,5 x 101 cm in sce papê con penna e rialsi de giacca, a-a giornâ d’ancheu conservæ a-o Musée National du Château de Versailles, che a fa vedde o concitamento di 630 deputæ – quarchedun di quæ retræti propiaménte – radunæ into sallon.
A compoxiçion stramesuâ caratterizzâ da-e tante figue a doveiva ëse reisa inte un monumentâle depento de 7 metri pe 10, che pe scarscitæ de fondi e e trasformaçioin inte quello contesto politico tormentou o no l’é stæto mai realizzou, ma a seu fòrte carrega scimbòlica e iconografica a representava e a-e giornâ d’ancheu representan un exempio sensa pari da seu poetica.
I studdi preparatöi in sce l’euvia mostran comme a compoxiçion a doveiva ëse uña esaltaçion do spirto rivoluçionäio, carrego de entuxasmo vixibile inte cee retræte e inte açioin agitæ da massa di deputæ che òccupan o sallon ma che a-o mæximo tempo transmettan unna sollenitæ dominâ, ciù in de là de referense de natua scinbòlica comme o movimento de tende inta parte de d’ato che alludan a-o “vento” de l’imminente revoluçion unie a-o giubilo de persoñe da-i barcoin, o de là do dettalio do çê ascuio da-o quæ se diparte un furmine ch’o s’asbria contra a cappella do re.
Atro elemento ravvisabile e degno de reguardo son e træ figue in sciô primmo cian, ò sæ, un certosin, un ministro protestante e un præve cattòlico che s’astrenzeivan fraternamente pe scimbolizzâ a vegnua da tolleransa religiosa.
Inta pittua de David un punto de referensa importante, ascì e sorviatutto inte quest’euvia a foïse a seu riçettivitæ inti confronti de l’arte antiga, impreisa a-o tempo da seu formaçion a Romma, ciù in de là do studio e de l’osservaçion diretta de i cäi d’euvia do rinascimento ammiando ciù into dettalio a Michelangelo e a-o Raffaello; tra l’altro, i seu travaggi son assæ scimili a-i canoni di artisti neoclascichi.
Vivagne iconografiche pe-a realizzaçion de questo depento se peuan vedde tanto into Giudiçio Universâ de Michelangelo inta Sistina comme inte Stançie do Vatican de Raffaello, creando coscì un archetipo fondamentale, partindo da elementi do lenguaggio vixivo derivou da-a tradiçion clascica e religiosa, pe-a narraçion laica e politica e pe exaltâ i valoî çivili e a parteçipaçion collettiva.
Conseggio pe-o patrimònio linguistico ligure
Traduzione
Il Giuramento della Pallacorda di Jacques-Louis David (1790). Il pittore della trionfante Rivoluzione francese
Esperimenti di storia dell’arte in genovese per esaltare i valori civili e la partecipazione collettiva: il caso dell’opera di Jacques-Louis David.
Sono molte le opere d’arte del pittore Jacques-Louis David, massimo esponente del Neoclassicismo francese, che ricordiamo dai tempi della scuola o che spesso troviamo nella quotidianità, ad esempio nei testi scolastici, nelle illustrazioni di siti, blog e social, articoli e libri che presentano solennemente concetti e contenuti importanti.
L’importanza e l’attualità della pittura di Jacques-Louis David infatti non è dovuta unicamente alla bellezza che caratterizza il suo stile ma anche per i messaggi di alto contenuto umano e collettivo che intende trasmettere, proiettando alti valori etico-morali, politici ed estetici coi quali ci confrontiamo anche ai giorni nostri.
La passione etica e civile dell’artista, il suo patriottismo e il suo impegno attivo nella Rivoluzione francese lo portò ad assumere la carica di “maestro di cerimonie” e di “regista” dei momenti più solenni della neonata repubblica francese quali cortei, processioni e celebrazioni pubbliche.
Sin dalle sue prime opere di successo quali ad esempio “Il giuramento degli Orazi” del 1785 – incarnante una celebrazione dei valori legati al bene pubblico rispetto agli interessi ed affetti personali – e gli altri exempla virtutis, che raffigurano episodi solenni della storia romana celebrandone gli aspetti etici più che l’estetica, delinea i suoi personaggi dotandoli di alti valori morali.
L’artista carica infatti i corpi e le posture delle sue figure con un’energia capace di trasmettere un senso di eroismo e di potenza in maniera contenuta e dominata, senza fare scaturire accese passioni e al contempo in una dimensione nella quale la realtà e la bellezza – anche nei ritratti – dovevano essere idealizzate avvicinandosi agli ideali del mondo classico, sistematicamente recuperati nella seconda metà del Settecento ed espressi appunto in maniera rigorosa, solenne, idealizzata e teatrale.
Oltre a “travestire” la contemporaneità con scene storiche tratte dall’antico, diventando così pretesti per richiamare il messaggio assoluto di questi ideali, l’artista elabora anche alcune opere e illustrazioni su avvenimenti di cui è testimone diretto e il disegno preparatorio de “Il Giuramento della Pallacorda” del 1791 rappresenta la sua impresa più ambiziosa di quegli anni.
L’opera, incompiuta, doveva eternare l’avvenimento che portò alla proclamazione dell’Assemblea Nazionale Costituente il 20 giugno 1789, preludio del movimento rivoluzionario che portò alla fine dell’Ancien Régime.
In quella data i delegati del Terzo Stato, ceto composto dalla borghesia, dagli artigiani fino ai contadini e che comprendeva circa il 98% della popolazione del regno di Francia, assieme ai membri del basso clero, con cui si erano proclamati Assemblea Nazionale, si trasferirono nella sala impiegata al gioco della pallacorda (jeu de paume, antenato del tennis moderno) a seguito della chiusura per ordine del re della sala dove si riunivano gli Stati Generali nell’Hôtel des Menus-Plaisirs a Versailles.
In quella nuova sede giurarono di non separarsi e di “(…) riunirsi ovunque le circostanze lo richiederanno, fino a che la Costituzione del regno sia definita e affermata su solide basi (…)”, il 9 luglio avvenne il riconoscimento ufficiale del re e questo organismo assunse il nome di Assemblea Nazionale Costituente.
David di questo episodio elabora diversi studi, stampe e nel 1791 realizza un disegno preparatorio di 65,5 x 101 cm su carta con penna a inchiostro e rialzi di biacca, oggi conservato al Musée National du Château di Versailles, che mostra il concitamento dei 630 deputati -alcuni dei quali ritratti propriamente- radunati nel salone.
L’enorme composizione caratterizzata dall’assiepamento delle figure avrebbe dovuto essere resa in un monumentale dipinto di 7 metri per 10, che per scarsità di fondi e i mutamenti in quel tormentato contesto politico non si realizzò mai, ma la sua forte carica simbolica e iconografica rappresentò e tutt’oggi rappresenta un esempio senza pari della sua poetica.
Gli studi preparatori sull’opera mostrano come la composizione doveva essere una esaltazione dello spirito rivoluzionario, carica di entusiasmo visibile nei volti ritratti e nei gesti concitati della folla dei deputati che occupa il salone ma che al contempo trasmettono una dominata solennità, oltre a riferimenti di carattere simbolico quali il movimento delle tende nella parte superiore che alludono al “vento” della rivoluzione imminente unite al giubilo delle persone alle finestre, oltre al dettaglio del cielo oscurato dal quale si diparte un fulmine che si scaglia contro la cappella del re.
Ulteriore elemento ravvisabile e degno di nota sono le tre figure in primo piano ossia un certosino, un ministro protestante e un prete cattolico che si stringono fraternamente per simboleggiare l’avvento della tolleranza religiosa.
Nella pittura di David un punto di riferimento importante, anche e soprattutto in quest’opera fu la sua ricettività nei confronti dell’arte antica, appresa nella sua formazione a Roma, oltre allo studio e all’osservazione diretta dei capolavori del rinascimento guardando in particolar modo a Michelangelo e a Raffaello, i cui lavori sono molto affini tra l’altro ai canoni degli artisti neoclassici.
Fonti iconografiche per la realizzazione di questo dipinto sono appunto ravvisabili sia nel Giudizio Universale di Michelangelo nella Sistina che nelle Stanze Vaticane di Raffaello, creando in questo modo un archetipo fondamentale, partendo da elementi del linguaggio visivo derivati dalla tradizione classica e religiosa, per la narrazione laica e politica e per esaltare i valori civili e la partecipazione collettiva.
Associazione per la promozione della lingua ligure
Immagine di copertina:
Jacques-Louis David, Le serment du Jeu de Paume, Google Art Project. Fonte Wikicommons
Scrivi all’Autorə
Vuoi contattare l’Autorə per parlare dell’articolo?
Clicca sul pulsante qui a destra.
